دوایین هەواڵەکان
https://www.facebook.com/share/v/1ZGv3HRqcx/
ئەمڕۆ٢٠٢٦/١٠/٢٢ کۆمەڵەی هونەری میللی کوردستانی لەماڵی کەلەپووری ئەحەی کوڕنوو یادی حەوت ساڵەی کۆچی دوایی شاعیر ( محەمەد عومەرعوسمان ) ناسراوبە ژەنەراڵی پایزیhttps://www.facebook.com/share/v/1ZGv3HRqcx/ بەڕێوەچووhttps://www.facebook.com/share/v/1ZGv3HRqcx/
ڕونکردنەوەیەک لەدادگای سلێمانیوە
ڕوونکردنەوەیەك بۆ ڕای گشتی لە سەرۆکایەتیی دادگای تێهەڵچوونەوەی ناوچەی سلێمانییەوە
ڕێکەوتی ئەمڕۆ دادگای کارگێڕیی سلێمانی بڕیاری ژمارە ٥٧/ک/٢٠٢٦ لە ٢٠٢٦/١٠/٢١ دەرکردووە، کە بووەتە باس و خواسی ڕاگەیاندنەکان و لێکدانەوەی جیاوازی جۆراوجۆری بۆ کراوە، بەجۆرێک پێچەوانەی یاسا و هەتا مەنتووقی بڕیاری ئاماژەبۆکراویشە. سەرەتا ئەو بڕیارە تەنها لە مەنتووقەکەیدا هەڵوەشاندنەوەی فەرمانێکی کارگێڕی لەخۆ دەگرێت و ئەو بڕیارەش پلەی بنەبڕیی وەرنەگرتووە و هیچ بەڵگەیەک (حوجییەتێک) پێک ناهێنێت، واتە ئەو بڕیارە تەنها تاوتوێی حاڵەتێکی تایبەتی لەخۆ گرتووە کە بە یەکلاکەرەوە دانانرێت هەتاوەکو بڕیارەکە پلەی کۆتایی وەرنەگرێت، لەکاتێکدا بڕیارەکە تەنها بڕیارێکی کارگێڕی هەڵوەشاندووەتەوە لە ڕووی تایبەتمەندێتیی (اختصاص)ەوە.
بابەتی خاوەندارێتیی خانووبەرە لە شاری سلێمانی هاوشێوەی شارەکانی تری عێراق، دەستوور پاشان یاسا تایبەتەکان و لە پێشیانەوە یاسای تۆمارکردنی خانووبەرە ڕێکیخستووە، هیچ بەربەستێکی یاساییان تێدا نییە ڕێگر بێت لەبەردەم هاووڵاتیانی ناوچەکانی تری عێراق کە خاوەندارێتیی یاساییان هەبێت بۆ شوقە و خانووبەرە، چونکە بەپێی دەستووری عێراقیی بەرکار هاووڵاتیان یەکسانن لە ماف و ئەرکدا بەبێ جیاکاریی ڕەگەزی و تائیفی و ناوچەگەرێتی. بەوەش ناکرێت هەر کەسە و لای خۆیەوە ڕاڤە و لێکدانەوە بۆ بڕیارێکی دادوەری بکات کە پلەی بنەبڕیی وەرنەگرتووە و گشتاندن بۆ ئەو حاڵەتە تایبەتە بکات کە ئەو بڕیارە تاوتوێی کردووە.
لەگەڵ ڕێزدا.
بەوێنە: لە سلێمانی ئاگرێک لەکۆگایەکی سوتەمەنی کەوتۆتەوە
لە سلێمانی: ئاگرێک لەکۆگایەکی سوتەمەنی کەوتۆتەوە
سەبارات بەنرخی ناو بازاڕ
کۆبوونەوەیەکی فراوان بۆ ڕێکخستنەوەی بازاڕ و کۆنتڕۆڵکردنی نرخ بەڕێوەچوو
بە ئامانجی ڕێکخستنەوەی بازاڕ و کۆنتڕۆڵکردنی نرخ کە بەهۆی زیادکردنی نرخی رەسمی دۆلار بەرانبەر دیناری عێراقی دروست بووە، کۆبوونەوەیەکی فراوان لە نێوان ژووری بازرگانی و پیشەسازی سلێمانی و حکومەتی خۆجێی سلێمانی ، ئامادەبوونی شاهۆ عوسمان جێگری پارێزگاری سلێمانی فازڵ عومەر قائیمقامی سلێمانی بە وەکالەت و نەوزاد غەفور سەرۆکی ژوری بازرگانی و پیشەسازی سلێمانی و بەڕێوەبەری چاودێری بازرگانی و سەرۆکی لیژنە هاوبەشەکانی قائیمقامیەتی سلێمانی و نوێنەری ئاسایشی سلێمانی و سەندیکاکان و ژمارەیەک لە بازرگانان بەڕێوەچوو.
ئەمە دووەم کۆبوونەوەی هاوشێوەیە لە نێوان هەردوولادا بە ئامانجی دروستکردنی هەماهەنگی زیاتر و ڕێکخستنەوەی بازاڕ و کۆنتڕۆڵکرنی نرخی خواردن و کاڵاو پێداویستیەکان .
لە کۆبوونەوەکەدا فقزڵ عومەر قائیمقامی سلێمانی جەختی لەسەر ڕۆڵی گرنگ و کارای قائیمقامیەتی سلێمانی و لیژنە هاوبەشەکانی کردەوە و ووتی ؛ لیژنە هاوبەشەکان ڕاسپێردراون بە بەردەوامی چاودێریی مەیدانی بازاڕ و مارکێتەکان و کۆگاکانی خۆراک بکەن، بۆ ئەوەی ڕێگریی تەواو بکەن لە هەر هەوڵێک بۆ قۆرغکاری یاخود بەرزکردنەوەی نرخی خواردن و پێداویستییە سەرەکییەکانی هاوڵاتییان.
دوای تاوتوێکردنی دۆخی بازاڕ لە بەر رۆشنایی بەرزکردنەوەی نرخی رەسمی دۆلار لێپرسراوانی ئامادەبووی کۆبونەوە کە رایانگەیاند : هەماهەنگی نێوان ئیدارەی شارەکە و بازرگانان بەردەوام دەبێت بۆ ئەوەی دۆخی بازاڕ سەقامگیر بێت و کاڵا و خۆراک و پێداویستی بە نرخێکی گونجاو بگاتە دەست هاوڵاتییان و سەقامگیری بازاڕ بپارێزرێت.
دەستخۆشیش لە بازرگانان کرا کە بەردەام لە هەموو بارودۆخەکاندا هاوکار و هەماهەنگ بوون بۆ ئەوەی بازاڕ سەقامگیر بێت و خواردن و پێداویستیەکان بەنرخێکی گونجاو بگاتە دەستی هاوڵاتیان.
